Pichle saal se hum UAE ke bahut se riders ka feedback sunte aa rahe hain, aur iss baat ko yaqini banane ke liye aik tareeqa design ker rahe hain ke har delivery ke liye riders jo fees kamaaty hain wo unke kiye gaye kam ke hisab seh ho.
Hum jante hain ke Deliveroo mein har delivery alag hoti hai - kuch short hoti hain aur jaldi complete ho jati hain, jab ke kuch ke liye customer zyada door hota hai aur wahan pahunchne mein zyada waqt lagta hai.
Aaj hum naya system introduce ker rahe hain sirf naye riders ki drop fees ke liye, jo har order ke liye aik unique variable fees offer kare ga.
18 September ke baad Deliveroo mein shamil hone wale sirf naye riders hee iss nayi variable fee structure ka istemal karte hue kaam karenge. Aap jaise purane riders ke liye koi fee plan change nahi huwa hai : aap har delivery per AED 10.25 ke fixed-fee system ko istemal karte hue kaam jari rakhen ge.
Aasan lafson mein, variable fees ka matlab yeh hai ke wo orders jo restaurant se door deliver karne hain unke liye pay ki gai fees zyada hogi yeh show karne ke liye ke inn orders ko complete karne mein zyada waqt laga hai. Aur short orders, jin ko complete karne mein kum waqt lagta hai, un ke liye pay ki gai fees bhi kum ho gi.
Riders jo ke variable fees per honge wo har order accept karne se pehle restaurant aur customer ki location ka full map dekh len ge, aur uss order ko complete karne ki fee bhi dekh len ge.
Agar koi purana rider variable fees ke baare mein mazeed maloomat hasil karna chahta hain, humari Rider Support team ko +97142490303 per rabta kren. Humari phone line Monday to Friday, 12:00 PM to 6:30 PM tak open rehti hain. Iske ilawa, aap humary Rider Center visit kar saktay hain Al Barsha, Api Trio Tower, 32nd Floor peh.
